1 Наурыз– Алғыс айту, мейірімділік және құрмет күні

1 наурыз – елімізде тұрып жатқан барлық этнос бір-біріне ризашылығын айтатын күн. Әсіресе қиын-қыстау заманында жер аударып келген түрлі ұлт өкілдері шыдамдылық танытып, ерекше қонақжайлылығын көрсеткен қазақ жұртына алғыстарын білдіретін күн.

 Бұл елдегі бейбітшілік пен келісімнің символы, біздің ортақ тарихымызға деген құрмет, қолдау күні, өзара көмек пен қайырымдылыққа, бір-біріне  назар аудару мүмкіндігі.

 Бұл күні біздің «Шаңырақ» тілдерді оқыту клубымыз да назардан тыс қалған жоқ, балаларға алғыс сезімін ерте жастан, мектеп қабырғасынан бастап тәрбиелеу қажет.

Мереке күні поляк тілінің оқытушысы Наталья Георгиевна Крупельницкая клуб оқушылары үшін   «1 наурыз– Алғыс айту, мейірімділік және құрмет күні» атты ашық іс-шара өткізді.

Сынып сағаты  осы мерекенің шығу тарихы туралы  шағын әңгімеден, фильм үзіндісінен және викторинадан басталды.Балалар достық пен алғыс туралы өлеңдер оқып, соңында өздерінің ең жақсы тіліктерін жазып, достарына бейбітшілік пен бақыт бейнеленген суреттер салды.