Өнермен бірге

11 ақпан күні «Мұрагер» балалар аулалық клубында «Өнермен бірге» тақырыбына кездесу-кеш өткізілді. Мақсаты: балалардың өнерге деген сүйіспеншілігін, ынта - ықыласын арттыру, өнер арқылы білімге терең бойлауға мүмкіндік тудыру. Кешіміздің қонағы болған «Мұрагер» балалар аулалық клубында домбыраны алғаш  ұстап үйренген, 3 жыл бойы «Домбыра» үйірмесінің мүшесі болған Маратова Саадия.  2016 жылы музыка мектебіне оқуға түсіп, қазіргі кезде «Домбыра» классы бойынша оқуын жалғастыруда. 2017 жылдың қараша айында «Рухани жаңғыру» бағдарламасы бойынша «Жұлдыз достарын шақырады» атты Республикалық сайысқа қатысып 12-14 жас аралығында 2-ші орынға ие болған жас лауреат. Өзінің алған медалі мен дипломын көрсетіп, сол сайысқа жеңіске жеткізген С.Тұрысбековтің «Ақ жауын» күйін шертпе әдісінде орындап берді. Біздің «Домбыра» үйірмесінің мүшелері де өз өнерлерін алға салып, Тастановтің күйі «Би» ансамбль орындауында көрсетті. Саадия балаларға музыка мектебімен үйірменің арасындағы айырмашылығын айтып, балаларды қызықтырған бірнеше сұраққа жауап берді. «Өнердің жаманы жоқ, бірақ мұның кез келгеніне икемділік қажет, өйткені үлкен өнерді, зор шеберлікті қажет ететін нәрсе» деп іс-шара аяқталды. Естелік ретінде Саадияға Ули Бекеновтің «Күй керуені» атты кітабы сыйға тартылды.