Шығармашылық қабілеттерді дамыту - қосымша білім беру педагогтарының  міндеттерінің бірі. Байқаулар балалардың көркемдік шығармашылықтарын, шығармашылық қабілеттері мен қиялдарын, ойларын дамытады;балалардың өзін-өзі дамытуларына жағдай жасайды.  Балалардың мектептен тыс бос уақыттарында түрлі байқауларға қатысуы, баланың белсенді өмірлік көзқарасын жасауға  себеп болады. «Әулет» мектептен тыс жұмыс орталығының тәрбиеленушілері – «Жұлдыз», «Мұрагер», «Балдәурен», «Мирас» балалар аулалық клубтарының тәрбиеленушілері  Чехия республикасында Халықаралық  "Perspektiva plus" инновациялық орталықтың қашықтықтан  ұйымдастырылған  сәндік-қолданбалы өнер мен Халықаралық балалар суреттері байқауына белсене қатысты. Байқау нәтижесі бойынша  1 орынға ие болғандар  Ашим Айша /жетекшісі - Г.С.Каримолдина/, Қасымов Архат және Қасым Еслям/жетекшісі-А.Н.Касымова/. Аты аталған балалар «Жұлдыз» балалар аулалық клубынан. «Мирас» балалар аулалық клубының тәрбиеленушісі Қадыр Мадина 1 орынға ие болды, жетекшісі - Н.К.Мусина.  «Балдәурен» БАК тәрбиеленушісі Гора Михаил 1 дәрежелі  лауреат атанды, жетекшісі - А.А.Алгазимова.  «Мұрагер» БАК тәрбиеленушілері: Ренатова Жания, Найкин Руслан, Даулыбай Сабина, Мартынов Валентин, Мартынова Анастасия (жетекшісі - Найкина Т.И.) жүлделі орындарға ие болды. Жеңімпаздар мен олардың жетекшілерін жеңістерімен құттықтаймыз!