«Наурыз келді» мерекелік бағдарламасы

2017 жылғы 16 наурыз күні «Қайнар» балалар аулалық клубында «Наурыз келді» мерекелік бағдарламасы өткізілді. Бағдарламаның мақсаты: Наурыз мейрамының дәстүрлері мен ерекшеліктерін  ашу.   Құттықтау тілекпен клуб жетекшісі Сәкеш Уәлиева бастап, одан кейін Мамеева Аида мен Муханбетжанова Айым бұл мерекенің шығу тарихын және де тек қана қазақтар емес, сонымен қатар өзбектер, қырғыздар, қарақалпақтар, әзербайжандар және т.б ұлт өкілдері тойлайтыны жайлы екі тілде айтып берді. Іс-шара барысында тәрбиеленушілер тақпақтар, әндер айтып, «Қара жорға» биін билеп, «Жастар» театр студиясының ұйымдастыруымен «Сиқырлы театр» қойылымын көрсетті. Жүргізушілер мен балалар ұлттық киіммен өнерлерін көрсетті. Мерекенің ең басты шашуы ретінде ұлттық тағам - «Наурыз көже» мен бауырсақ ұсынылды. Ата-аналар шашу шашты. Ата-аналар ұйымының атынан Дина Едигеевна «Наурыз көженің» жеті түрлі тағамнан құралатыны жайлы әңгімелеп берді.