Наурыз мерекесіне орай, 17 наурыз күні, "Мұрагер" балалар аула клубының "Домбыра" мен "Юные гитаристы" үйірмелерінің мүшелері Орталық қалалық кітапханасының балалар бөлімінде өткізілген «Наурызым-дәстүрлі ізгілігім» атты іс-шараға қатысты. Мақсаты: Балаларға ұлыстың ұлы күні туралы мағлұмат беру, балаларды елін, Отанын сүюге, ұлттық салт-дәстүрін дәріптеуге тәрбиелеу, имандылық, инабаттылық, ізеттілік қасиеттерін қалыптастыру. Іс – шара дәстүр бойынша шашу шашуден басталып, балаларға мерекеге қатысты сұрақтар қойылып, өлең жолдары оқылды. «Мұрагер» аула клубының атынан келген қонақтарға Қалиолла Тлеужан мен Темирбулатова Алуа домбырамен күй тарту етсе, Мырзабай Елнара мен Аманбаева Асылжан ән шырқады.