Блалардың шығармашылығын дамытып, жетістіктерін қолдау

2017  жылдың 19-ақпан күні  «Үкілі домбыра» үйірмесі тәрбиеленушілерінің ата-аналарымен жұмыс жоспарына сәйкес, Алғыс айту күнін

мерекелеуге орай,жиналыс өткізілді.

Ата-аналар жиналысында келесі сұрақтар қарастырылды:

1)     «Қазақстанның үшінші жаңғыруы: жаһандық бәсекеге қабілеттілік» Қазақстан халқына Елбасының жолдауын түсіндіру

2)     2016-2017 оқу жылына тәрбиеленушілерді қорытынды аттестацияға дайындау;

3)     Бурабай селосына 2017 жылдың сәуір күні Халықаралық байқауға қатысуды ұйымдастыру; 

4)     Ата-аналар  комитетінің құрамына өзгерістер енгізу туралы.

Ата-аналар күн тәртібіндегі барлық пунктерді белсене қолдады. Қатысып отырған ата-аналардың көбі «Қазақстанның үшінші жаңғыруы: жаһандық бәсекеге қабілеттілік» Қазақстан халқына Елбасының   жолдауымен танысыпты.

Жас дарындардың Халықаралық байқауға  қатысу шарттарымен таныс болған соң, ата-аналар үйірме жетекшісі Б.Қ.Өтеулінің ынтасын қолдап, балалардың қатысуы туралы шешім қабылдады.

Күн тәртібіндегі сұрақтарды қарастырған соң, соңында ата-аналар назарына  шығармашылық концерт  көрсетілді.

Үйірмеге   әр түрлі жастағы  үйірмешілер қатысады. Топтағы балалардың ішінде  1,2,3 жыл оқып жатқандар да бар. Сондықтан аспаптарды меңгерулері де түрлі.Бірақ әр ата-ана өз баласының қалай ойнап жатқанын естей білді.

Концерттік бағдарламада балалар жеке, дуэт болып  өнер көрсетті.Концерттік бағдарламаның соңында  көрермендер назарына  жоғары топтағы балалардың ансамблі ойнады.  Ата-аналар үйірме жетекшісіне, балаларына алғыстарын білдірді.Балалар ең жақын адамдарының ризашылығы мен қолдауларын көріп,үйірмеге қатысуға деген қызығушылықтары одан сайын арта түсті.