«Сиқырлы орамал» ата-аналарға арналған мастер-класс

«Жұлдыз» балалар аулалық клубында  ҚББП Т.И.Найкина  клуб тәрбиеленушілерінің қатысуымен «Сиқырлы орамал» атты мастер-класс өткізді. Орамал көп қызметті аксессуар,оны әртүрлі етіп тағуға болады. Мастер-класты өткізуге  түсі, түрі әр түрлі, бір-бірінен ерекше  30 шақты орамал дайындалды. Мастер-класс басында  қатысушылар назарына  «Орамалдар тарихының мұражайы» атты  бейнефильм көрсетілді. Қонақтар орамалдың шығу тарихымен, қалай тоқылып жасалғаны туралы  білді.Орамалдың түрлерімен таныс болды, мәселен: бас орамал, қол орамал, мойын, кеуде орамалдары, балалар орамалдары т.б. Сонымен қатар әр орамалдың аттары да болады екен: «Жыл мезгілдері», «Концерттік», «Золушка» т.б.  Тәрбиеленушілер ата-аналарымен орамалдарды түрліше байлап, көрсетті. Орамалдарды түрлі етіп  байлаған кезде,олардың  әр түрлі гүлдерге айналғандары көздің жауын алды. Балалар мен ата-аналар мастер-кластан көп керекті де қызықты  мәліметтер алды. Ал ең бастысы  орамалдың көмегімен өз көңіл-күйіңді, жан-жағыңдағы адамдардың көңіл-күйін  көтеруге болады.