Ер есімі ел есінде

2017 жылдың 12-ақпан күні «Шаңырақ» клубы «қазақ тілі» үйірмесінің тәрбиеленушілері  оқытушы Хасенова Раушан Серікқызымен  Кеңес одағының батыры, академик, жазушы, қоғам қайраткері Мәлік Ғабдуллиннің музейіне барды. М.Ғабдуллин музейі 1995 жылы Көкшетау қаласында  ашылды. 2005 жылдың 19-тамыз  жаңа музей ғимаратының салтанатты ашылған күні. ҚР Президенті Н.Ә.Назарбаев  ең бірінші  болып музейге келді. Музей экспозициясы Мәлік Ғабдуллиннің туған жері  Ақмола облысы  Зеренді ауданы Қойсалған ауылының  үлгісімен, ата-баба шежіресімен басталады. Музейдің 5 экспозициялық залы бар. Балалар  экскурсия жетекшісін мұқият тыңдап, жазушының өмір жолымен жақын таныс болды. Балалар әр залдан жазушы батырдың  барлық өмір жолына арналған  залды тамашалады, мәселен: туған жері, соғыс жылдары, батырдың құжаттары, жұмыс  бөлмесі, жеке кітапханасы. Музейге бару  балалардың көңілінен шықты.