«Бақыт құсы» байқауы

2017 жылдың 12-қаңтар күні  «Қайнар» БАК-да  «Жаңа жыл- жаңа толқын» ұранымен «Бақыт құсы» атты  жыл сайын дәстүрге айналған байқау өтті.

 Аталған байқаудың мақсаты:

-өзін-өзі жетілдіруде шығармашылыққа  балалар мен жасөспірімдерді  қызықтыру;

-эстетикалық талғамдарын қалыптастыру;

- көрермендер алдында өздерін ұстай білуге, актерлік шеберліктерін, шешендік қабілеттерін дамыту;

-балалардың дарындылықтарын ашып, мәдени деңгейлерін көтеру.

Аталған байқауға 7-15 жас аралығындағы  балалар шақырылды. Номинациялар әр түрлі болды: вокалдық ән айту, би билеу, спорттық көрсетілімдер, акробатика, музыкалық аспаптарда ойнау. Балалар кезекпен өнерлерін көрсетсе, ал ата-аналар қошеметтеп, тамашалап отырды. Біреуі ән айтса, біреуі би билеп, енді біреуі музыкалық аспаптарда ойнап өнерлерімен таң қалдырды. Ата-аналар арасынан әділ-қазылар сайланып, жеңімпаз балаларға сыйлықтар мен орындарын бөліп берді. Барлық 18 қатысушы сыйлықсыз қалмады. Байқау сәтті өтті. Әр баланың қолына бақыт құсы қонсын!