«Отбасылық құндылықтар» атты тәрбие сағаты

«Қайнар» балалар аулалық клубында  «Отбасылық құндылықтар»  атты тәрбие сағаты өткізілді. Іс-шараның мақсаты мен міндеттері: оқушыларға отбасы туралы, бір-бірін жақсы көретін, бір-біріне көмек беретін, қамқор болатын адамдар туралы  түсінік беру;үйлесімді, тату  отбасында өмір сүруге деген ынтаны ояту; балалардың санасына отбасы-бұл адамның ең қымбат, ең жақын нәрсе екенін жеткізу; оқушыларға «бақытты отбасы» ұғымын ашуға көмектесу. Іс-шара басында балалар  «отбасы» сөзін әлемнің түрлі тілдерінде қалай  айтылатытын білді, сондай-ақ өз отбасыларының ағашын салды. Кейін «Отбасылық әліппе» шағын викторинасы өткізілді.Келесі кезеңде балалар отбасы туралы мақал-мәтелдер айтып жарысты. Отбасындағы көмек туралы ойлау мен белгілі бір тұжырымдарға «Жеті қыз» әңгімесі  себеп болды.Мейірімді және жылы сөздерді   әрқашан жақындарыңа  үнемі айтып жүру керек. Іс-шара соңында балалар ағашты бояп, «Отбасылық құндылықтар» ұғымына енетін барлық сөздерді жазып шықты.