Жаңа оқу жылымен!

15 қыркүйек «Шаңырақ» тілдерді оқыту клубында жаңа оқу жылы басталды!

 Достық үйі   таңның ертесімен балалардың шаттық күлкісі мен көңілді әуенге толы болды.Солай болуы да мүмкін, себебі балалар жаз бойы бір-бірін көрмейді, сондықтан олар өздірінің жаздағы өткізген күндерін, көңіл-күйлерін бір-бірімен бөлісуге асық.Әр ұлттың балалары бір үйдің балаларындай тату-тәтті.

 Сап түзеуге  оқушылар,олардың ата-аналары, педагогтар жиналды.  Әр ұлттық амандасуы да барлығының көңіл-күйін көтере түсті: «Сәлеметсіздерме!», «Добрый день!», «Ди дика халд!», «Джень добры!», «Исәнмесез!».

Жаңа оқу жылының басталуы тілдер онкүндігімен қатар келді. Әр сабақ тақырыпқа сай өткізілді. «Қазақ тілі» үйірмесінің жетекшісі- Бекетаева Мақпал Рахметоллақызы «Мемлекеттік тіл менің тілім» атты ашық сабақ өткізсе, «орыс тілі» үйірмесінің жетекшісі- Абылхаева Жанна Ибрагимовна  «Страна, соединившая народы» тақырыбында  сабақ өткізіп, мемлекетімізде көпұлтты халықтар достықта өмір сүріп жатқанын атап өтті. Сол сияқты «инғұш тілі» үйірмесінің жетекшісі- Дударкиева Тамара Суламбековна, «чуваш тілі» үйірмесінің жетекшісі- Тарасова Елена Михайловна, «армян тілі» үйірмесінің жетекшісі- Дегоян Рузанна Вазгеновна өздерінің сабақтарында мемлекетіміздің байлығын, қонақжайлығын, достығын айтып, өз ұлттарының да салт-дәстүрлерін,  мәдениетін, тарихын,атақты ақындарын атап өтті.

 «Шаңырақ» тілдерді оқыту клубындағы барлық балалар  әр жексенбі сайын Достық үйіне қуанышпен асыға келеді. Себебі клубта балаларды әрдайым   білікті  педагогтар мен жақсы достар  күтеді. Жаңа оқу жылы құтты болсын, балалар!