Жазғы демалыс – жан саулығы

Жадыраған жаздың қуаныш пен шаттыққа толы ұмытылмас естеліктері балаларға арналып, Көкшетау қаласы білім бөлімінің жанындағы мемлекеттік коммуналдық кәсіпорын «Әулет» мектептен тыс жұмыс орталығында және балалар аулалық клубтарында ашылған жазғы демалыс уақытын тиімді өткізуге арналған іс-шаралар бастау алары сөзсіз.  Жоспардың ең басты мақсаты баланың  бос уақытын дұрыс пайдалануға бағыт бере отырып, ойын ойнату, ән айтқызып, би билету, түрлі тақырыпта шығармашылық жұмыстар атқару арқылы баланың функционалдық сауаттылығын дамытуды көздейді. Құрылған жоспар бойынша жас ерекшелігіне қарай балалармен түрлі іс-шаралар өткізілуде. Барлығыда бала бойындағы титтейде болса шам шырақты жағып, оның жаз айларындағы уақытын тиімді де, қызықты өтуіне ықпал ету.

Салауатты өмір салты, баланың кез-келген жердегі, үйдегі, мектептегі кезеңдерінде белсенді болуының негізі. Осыған байланысты «Әулет» мектептен тыс жұмыс орталығында өткізіліп жатқан іс шараларға  балалар белсене қатысып   сурет салып, түрлі қимылды ойындар ойнайды. Атап айтатын болсақ, дүйсенбі күні- «Art time» сурет студиясы,сейсенбі күні- әртүрлі ойын түрлері, сайыстар,  сәрсенбі күні-қол өнер түрлері, бейсенбі күні-  балалар аулалық клубтарында әр түрлі қызықты іс шаралар, жұма күні- биге баулу  ойындары балалардың қызығушылығын арттыруда. Түрлі тақырыптарда танымдық іс шараларды ұйымдастырылып оқушылардың мектеп уақытындағы алған білімдерін шыңдап отырамыз. Балалардың шығармашылық қабілеттерін шыңдау, олардың арасынан талантты, дарынды балаларды анықтау мақсатында «Астана – арман қала», «Менің туған өлкем», асфальтта сурет салу көрмесі ұйымдастырылды, тақырыптар бойынша өлең шумақтар айтқызылды, би билеп, заман талабына сәйкес флешмоб биі де биленді. Бала ойын арқылы өсіп, дамитыны белгілі. Сол себепті де балаларды ойната отырып, шығармашылық жұмыстарға баулудың маңызы ерекше. Педагогтар  бабалармен  түрлі ойындар ойнап  балалардың жазғы демалыс уақыттарын қызықты өткізуде. Баланың бойына барынша ұлттық тәрбиені сіңіре отырып, өз халқының тарихына сусындату біздің алғашқы мақсаттарымыздың бірі. Міне сол себептіде балалармен бірлесе отырып әр түрлі ертегіден қойылым көрсетілді. Онда балалар тарихтан

сыр шертетін түрлі заттарды көре отырып, түсінік алды. Осындай  қызықты іс шаралар бала танымы үшін керемет маңызға ие болады. «Әулет» мектептен тыс жұмыс орталығында  жас таланттардың барына көз жеткіздік. Осы тұста Елбасымыз Н.Ә.Назарбаевтың «Болашақ жастардың қолында» деген сөзі еріксіз ойға оралады.

«Әулет» мектептен тыс жұмыс орталығында ұйымдастырып отырған жазғы демалыс уақытын тиімді, қызықты өткізу жұмысы тек белсенді тәрбие және білім беру жұмысына ғана емес, сонымен қатар мұғалім мен балалар, мұғалім мен ата-ана арасындағы алтын көпір екені сөзсіз.