Көңілді жаз

Мектеп демалыстарының бірінші айы да соңына келіп жетті. Балалар алыс жақтарға барып демалып келгендері де, бара алмағандары да «Әулет» мектептен тыс жұмыс орталығы мен «Жас қайрат» дене тәрбиесі  дайындығының балалар-жасөспірімдер клубының ұйымдастырып, дайындаған қызықты  ойын-сауықтарына  белсене  қатысты.   Көкшетау қаласы білім бөлімінің ынтасы бойынша, 4-маусым күні Жамбыл және Саин көшелерінде тұратын балаларға арналған «Көңілді жаз» спорттық-ойын бағдарламасы өткізілді. Бағдарлама кейіпкерлердің қатысуымен,көңілді музыкамен, қызықты ойындар мен жарыстармен  өтті. «Әулет» мектептен тыс жұмыс орталығының «Меломан» ән айту үйірмесінің тәрбиеленушілері өздерінің тамаша әндерін тарту етті. Сонымен қатар  балаларға  бағдарлама соңындағы   «Биле, жаз!» деп аталатын  дискотека үлкен әсер қалдырды. Ата-аналар алғыстарын айтып, балалар үйлеріне жақсы көңіл-күймен тарасты.